ปีเดือนนับมื้อย้าย อันควมตายหากมาหม่อ
อย่าสิรอฮอดซาติหน้า มันสิซ้าดอกก่อกาล
หมั่นเฮ็ดทานทำบุญสร้าง แปงทางไห่ม้มฝั่ง
ย่อนจีรังบ่เที่ยงแท้ หมั่นแลบั้นบ่อนกรรม
กุศลธรรมหากสิซ่วย คันบ่อ่วยทางกาย
กาลเวลาบ่ถ่าไผ หมั่นใส่ใจแยงเบื้อง พี่น้อง
แสงเฮืองฮองสิส่องเข้า ผลทานเจ้าฮั่นเริ่มก่อ
บ่ต้องรอฮอดซาติหน้า นิพพานถ่าอยู่บ่ไกล..... หล่าคำสีเอ้ย